اسلام آباد – 06 نومبر (اي پي پي) وزيراعظم عمران خان حضور اڪرم صه جي سيرت طيبه جي پيغام رحمت کي ايندڙ نسلن تائين پهچائڻ رياست جي ذميواري قرار ڏيندي چيو آهي ته اسان پرامن اسلام جي تشخص کي پوري دنيا آڏو پيش ڪرڻ چاهيون ٿا، مون کي رياست مدينه جي قيام لاءِ عالم سڳورن ۽ ديني طبقن جي مشاورت جي ضرورت آهي، ايندڙ 12 ربيع الاول کي پروقار طريقي سان ملهايو ويندو جڏهن ته اسلام آباد ۾ ٻن ڏينهن واري ختم نبوت صه انٽرنيشنل ڪانفرنس جو اهتمام ڪيو ويو آهي. هن اها ڳالهه مذهبي معاملن واري وفاقي وزير نورالحق قادري سان ڳالهائيندي ڪئي جنهن وزيراعظم آفيس ۾ ساڻس ملاقات ڪئي. ملاقات ۾ اطلاعات وارو وفاقي وزير چوڌري فواد حسين پڻ موجود هو.