اسلام آباد – 17 آڪٽوبر (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته پاڪستان مسلم ليگ (ن) ضياءَ الحق جي ڪک مان جنم ورتو، 1981ع کان 1985ع تائين انهن انهي سياسي فلسفي کي اڳتي وڌايو جيڪو سياسي فلسفو ذوالفقار علي ڀٽو جي ڦاهي کان شروع ٿيو هو. قومي اسيمبلي ۾ مخالف ڌر اڳواڻ شهباز شريف پاران اٿاريل نقطن جو جواب ڏيندي چوڌري فواد حسين چيو ته مخالف ڌر اڳواڻ جيڪي ڳالهيون هن ايوان ۾ ڪيون آهن انهن جو پس منظر ڄاڻڻ ضروري آهي. نواز شريف 1981ع ۾ پهريون ڀيرو حڪومت ۾ آيو، پاڪستان مسلم ليگ (ن) ضياءَ الحق جي ڪک مان جنم ورتو.
