اسلام آباد – 11 آڪٽوبر (اي پي پي) صدر ڊاڪٽر عارف علوي سياسي پارٽين جي اڳواڻن ۽ وڏن وزيرن تي زور ڏنو آهي ته وزيراعظم جي طرفان شروع ڪيل ”صاف ۽ سرسبز پاڪستان“ مهم ۾ فعال ڪردار ادا ڪن ته جئين عوام لاءِ صاف ۽ صحت مند ماحول پيدا ٿي سگهي. سياسي پارٽين جي اڳواڻن ۽ وڏن وزيرن جي نالي هڪ خط ۾ صدر چيو ته عوام ۾ آگاهي پيدا ڪرڻ ۽ اجتماعي طريقيڪار جي ذريعي قوم کي درپيش چئلينجز تي ضابطو آڻڻ لاءِ انهن جو ڪردار تمام گهڻو اهم آهي.
