ڪوئيٽا – 06 آڪٽوبر (اي پي پي) وزيراعظم عمران خان چيو آهي ته وفاقي حڪومت بلوچستان جي عوام جي ڀلائي ۽ صوبي جي ترقي ۽ خوشحالي جي لاءِ پرعزم آهي. هو ڪوئيٽا جي دوري جي موقعي تي بلوچستان جي گورنر جسٽس (ر) امان الله خان ۽ بلوچستان جي وڏي وزير ڄام ڪمال خان سان جدا جدا ملاقات دوران ڳالهائي رهيو هو. وزيراعظم ميڊيا سيل پاران جاري ڪيل پڌرائي موجب ملاقات دوران بلوچستان صوبي جي مجموعي صورتحال، صوبي ۾ ترقياتي ۽ فلاحي منصوبن جي رفتار تي خيالن جي ڏي وٺ ڪئي وئي.
