اسلام آباد – 04 آڪٽوبر (اي پي پي) اطلاعات ۽ نشريات جي وفاقي وزير چوڌري فواد حسين چيو آهي ته وفاقي حڪومت سئو ڏينهن واري ايجنڊا جي حوالي سان ويب سائيٽ جاري ڪري ڇڏي آهي، ميڊيا ۽ عوام هدف حاصل ڪرڻ جي رفتار جو جائزو وٺي سگهن ٿا، پي آءِ ڊي ۾ پريس ڪانفرنس دوران هڪ سوال جي جواب ۾ اطلاعات ۽ نشريات جي وفاقي وزير چوڌري فواد حسين چيو ته پي ٽي آءِ جي حڪومت پنهنجي سئو ڏينهن واري پلان تي تيزي سان عمل ڪري رهي آهي، ميڊيا ۽ عوام جي لاءِ سئو ڏينهن واري ايجنڊا کي جاچڻ لاءِ حڪومت باقاعده هڪ ويب سائيٽ جاري ڪئي آهي ۽ www.pm100days.pm.gov.pk تي ان سئو ڏينهن واري ايجنڊا جو جائزو وٺي سگهجي ٿو.
