اسلام آباد – 03 آڪٽوبر (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته پي آءِ اي، پاڪستان اسٽيل مل، پي ٽي وي ۽ ريڊيو پاڪستان ۽ پاڪستان ريلوي جهڙا ادارا گذريل 5 سالن کان 10 کرب رپين جو نقصان ڪري رهيا آهن، مسلم ليگ (ن) جي اڳواڻ مشاهد الله خان جا ٽي ڀاءُ پي آءِ اي ۾ لوڊر ڀرتي ٿيا، ڪنهن جي دل آزاري ڪرڻ منهنجو مقصد نه آهي. سينيٽ ۾ ڳالهائيندي هن چيو ته پي آءِ اي جا 14 هزار 800 ملازم آهن ۽ 2017ع ۾ ان کي 45 ارب رپين جو نقصان ٿيو جڏهن ته ڪل نقصان 356 ارب رپيا آهي. هن چيو ته اسٽيل مل جا 17 هزار ملازم آهن ۽ ان جو خسارو 200 ارب رپيا آهي.