اسلام آباد – 17 سيپٽمبر (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته وزيراعظم هائوس ۾ هينئر تائين 70 گاڏين جي نيلامي ٿي چڪي آهي اهي گاڏيون مارڪيٽ قيمت کان وڌيڪ قيمت تي وڪرو ٿيون آهن، وزيراعظم عمران خان جي ويزن موجب اسان ڪم شروع ڪري ڇڏيو آهي، گورنر هائوسز کي به عام عوام جي لاءِ کولي ڇڏيو آهي، پهريون ڀيرو عام ماڻهو گورنر هائوسز کي ڏسي رهيا آهن، هو پارليامينٽ هائوس ٻاهران پيٽروليم ۽ قدرتي وسيلن واري وفاقي وزير غلام سرور خان سان گڏ پريس ڪانفرنس کي خطاب ڪري رهيو هو.
