اسلام آباد – 15 سيپٽمبر (اي پي پي) صدر ڊاڪٽر عارف علوي وضاحت ڪئي آهي ته ڪراچي ۾ پنهنجي دوري جي موقعي تي لاڳاپيل عملدارن کي هدايت ڪئي وئي هئي ته ان سان گڏ وڏي پروٽوڪول جي ضرورت نه آهي. سماجي رابطن واري ويب سائيٽ تي وائرل ٿيندڙ وڊيو جي حوالي سان پنهنجي ٽوئيٽ پيغام ۾ صدر چيو ته جمعي ڏينهن ڪراچي جي پهرين دوري جي موقعي تي ايئرپورٽ تي موجود عملدارن کي هدايت ڪئي وئي هئي ته سيڪيورٽي ضرورتن کي نظر ۾ رکندي پروٽوڪول جي گاڏين جو انگ گهٽ کان گهٽ رکيو وڃي ته جيئن عوام کي تڪليف نه ٿئي.
