اشڪ آباد – 16 سيپٽمبر (اي پي پي) صدر ممنون حسين ٽن ڏينهن جي سرڪاري دوري تي اشڪ آباد پهچي ويو آهي، اڄ آچر کان شروع ٿيندڙ پنجين ايشين انڊور مارشل آرٽس گيمز جي افتتاحي تقريب ۾ شرڪت ڪندو. هتي جاري پڌرائي موجب صدر سان گڏ خاتون اول بيگم محموده ممنون حسين پڻ آهي، سندس اشڪ آباد پهچڻ تي ترڪمانستان جي نائب صدر داديبي امان گليديوف اشڪ آباد انٽرنيشنل ايئرپورٽ تي سندس استقبال ڪيو. صدر ممنون حسين سان مملڪتي وزير ڄام ڪمال پڻ گڏ آهي. ايئرپورٽ تي ترڪمان ٻارڙن صدر ۽ خاتون اول کي گلن جا گلدستا پيش ڪيا ۽ روايتي انداز ۾ سندن استقبال ڪيو.
