اسلام آباد – 16 آگسٽ (اي پي پي) ملڪ جي 22 هين وزيراعظم جي چونڊ لاءِ تحريڪ انصاف جي سربراهه عمران خان ۽ مسلم ليگ (ن) جي سربراهه شهباز شريف جا نامزدگي ڪاغذ منظور ڪيا ويا آهن، ٻنهي اميدوارن جي نامزدگي ڪاغذن تي ڪنهن به ميمبر جي طرفان اعتراض نه ڪيو ويو، نئين قائد ايوان جي چونڊ اڄ جمعي ڏينهن عمل ۾ آندي ويندي، قومي اسيمبلي سيڪريٽريٽ موجب خميس ڏينهن وزارت عظميٰ جي لاءِ نامزدگي ڪاغذ جمع ڪرائڻ جي مقرر وقت ٻنهپرن جو 2 وڳي تائين صرف ٻن اميدوارن عمران خان ۽ شهباز شريف جا نامزدگي ڪاغذ جمع ڪرايا ويا.
