اسلام آباد – 03 آگسٽ (اي پي پي) قومي انتظامي ڪميٽي (ايل اي سي) جو اجلاس ناڻي واري وفاقي وزير ڊاڪٽر شمشاد اختر جي صدارت ۾ گذريل ڏينهن هتي اسلام آباد ۾ ٿيو. اجلاس ۾ گهرو وزير، قانون وارو وزير، اسٽيٽ بئنڪ جو گورنر، پرڏيهي سيڪريٽري ۽ ايف ايم يو، نيڪٽا، ايف آءِ اي، ايف بي ار، ايس اي سي پي ۽ ٻين ادارن کاتن ۽ ادارن جي عملدارن شرڪت ڪئي، اجلاس ۾ ايف اي ايف ايڪشن پلان تي عملدرآمد لاءِ اداره جاتي فريم ورم ۽ ڪوآرڊينيشن کي مضبوط بڻائڻ جي سلسلي ۾ ڪيل اڳڀرائي جو جائزو ورتو ويو. اجلاس کي ٻڌايو ويو ته اهم ادارن ۾ فوڪل پوائنٽس تي عملدرآمد بابت مخصوص يونٽ قائم ڪيا ويا آهن، مختلف کاتن جي سينئر عملدارن لاڳاپيل کاتن ۾ اڳڀرائي جي باري ۾ اجلاس کي آگاهه ڪيو.
