اسلام آباد – پهرين آگسٽ (اي پي پي) پاڪستان تحريڪ انصاف جي سينيئر نائب صدر ڊاڪٽر بابر اعواڻ چيو آهي ته پاڪستان تحريڪ انصاف جو چيئرمين عمران خان ئي وزيراعظم جو حلف کڻندو. اسلام آباد هاءِ ڪورٽ ۾ پي ٽي آءِ جي چيئرمين عمران خان جي نااهلي جي لاءِ داخل درخواست جي ٻڌڻي کانپوءِ صحافين سان ڳالهائيندي ڊاڪٽر بابر اعواڻ چيو ته درخواستگذارن پاران هڪ خاص جج جو نالو لکيو ۽ چيو ته هو ڪيس ٻڌي، عدالتي تاريخ ۾ اهڙو ڪو به مثال نه ٿو ملي ته ڪير چوي ته مون کي هي جج گهرجي.