اسلام آباد – 31 مئي (اي پي پي) وزيراعظم شاهد خاقان عباسي چيو آهي ته موجوده حڪومت گذريل پنج سالن ۾ بنيادي ڍانچي جي ترقي ۽ رستن ۽ موٽر ويز جي تعمير تي خصوصي ڌيان ڏنو جنهن جا ڏور رس سماجي ۽ اقتصادي اثر پوندا، چئني صوبن ۾ مجموعي طور تي 1750 ارب روپين جي لاڳت جا منصوبا مڪمل ٿيل، جاري يا منصوبابندي جي مرحلن ۾ آهن، سي پيڪ منصوبن تي تيزي رفتاري سان ڪم ٿي رهيو آهي، اسان جيڪي به منصوبا شروع ڪيا انهن کي پنهنجي دور ۾ مڪمل ڪيو، ماضي جا ڪيترائي اڌورا منصوبا به اسان مڪمل ڪيا، 60 ڏينهن ۾ چونڊون ڪرائڻ اليڪشن ڪميشن جي ذميداري آهي، چونڊون بنا دير 25 جولاءِ تي ٿينديون، هن اها ڳالهه وزيراعظم آفيس ۾ نيشنل هاءِ وي اٿارٽي (اين ايڇ اي) تحت مڪمل ۽ جاري منصوبن جي تفصيلن جي حوالي سان پريس ڪانفرنس کي خطاب ڪندي چئي.