اسلام آباد – 23 مئي (اي پي پي) گهرو وزير احسن اقبال مدينه انسٽيٽيوٽ آف ليڊر شپ طرفان اقامي جو سرٽيفڪيٽ ايوان ۾ پيش ڪندي چيو آهي ته مدينه منوره جي هڪ ناليواري اداري طرفان منهنجي ميمبرشپ هن ايوان ۽ ملڪ جي لاءِ اعزاز جي ڳالهه هجڻ گهرجي، مون تي الزام لڳائيندڙن کي قوم کان معافي وٺڻ گهرجي، ڪنهن کي واجب القتل قرار ڏيڻ جو حق ڪنهن فرد، معاشري يا گروهه کي حاصل ناهي ، نه ان حوالي سان گهٽي، پاڙي ۾ فتويٰ ڏئي سگهجي ٿي، جهاد جو حڪم صرف رياست ڏئي سگهي ٿي، قومي اسيمبلي ۾ خيالن جو اظهار ڪندي گهرو وزير احسن اقبال چيو ته الله تعاليٰ جو شڪر آهي ته هڪ نئين زندگي وٺي هن ايوان ۾ ٻيهر بيٺل آهيان، 6 مئي تي هڪ جنوني منهنجي زندگي وٺڻ جي ڪوشش ڪئي.
