اسلام آباد – 11 مئي (اي پي پي) سڄي دنيا ۾ پاڪستان جي مثبت تشخص کي اجاگر ڪرڻ ۽ ميڊيا جي ميدان ۾ درپيش چئلينجن مان سرخرو ٿيڻ لاءِ خابرو ادارن جي وچ ۾ سهڪار جي فروغ لاءِ ٻن ڏينهن واري انٽرنيشنل ڪانفرنس آف نيوز ايجنسيز (آءِ سي اين اي) 13 ۽ 14 مئي تي اسلام آباد ۾ منعقد ٿيندي. ڪانفرنس عالمي برادري ۾ ملڪ جي اعتدال پسند تشخص کي اجاگر ڪرڻ ۾ مددگار هوندي جنهن ۾ آذربائيجان، بحرين، بلغاريه، چين، مصر، يونان، انڊونيشيا، ايران، قزاخستان، لبنان، اومان، قطر، رومانيه، سعودي عرب، سوڊان، شام، تيونس ۽ ترڪي سميت 20 ملڪن مان عالمي خابرو ادارن جا سربراهه ۽ نمائندا شرڪت ڪندا. قومي خابرو اداري ايسوسيئيٽڊ پريس آف پاڪستان جي اهتمام هيٺ ٿيندڙ ان ڪانفرنس جو موضوع ”پاڪستان جي ميڊيا – موقعا ۽ چئلينجز“ آهي
