اسلام آباد – 08 مئي (اي پي پي) وزيراعظم شاهد خاقان عباسي جي صدارت ۾ وفاقي ڪابينا جو اجلاس وزيراعظم آفيس ۾ ٿيو. وفاقي ڪابينا وفاقي گهرو وزير احسن اقبال تي حملي جي سخت مذمت ۽ سندس جلد صحتيابي لاءِ دعا پڻ ڪئي. ڪابينا وفاقي ڪابينا جي اقتصادي رابطا ڪميٽي (اي سي سي) جي 27 اپريل جي اجلاس ۾ فيصلن جي توثيق ڪري ڇڏي. اجلاس ۾ پاڪستان ۽ ڪرغزستان جي وچ ۾ تعليم جي شعبن ۾ تعاون بابت 8 مارچ 2005ع ۾ طئي ٿيندڙ معاهدن جي تجديد جي منظوري ڏني وئي.
