اسلام آباد – 26 جنوري (اي پي پي) گهرو وزير احسن اقبال چيو آهي ته پنجاب يونيورسٽي ۾ جهيڙي سان پيدا ٿيندڙ صورتحال تي پنجاب جي وڏي وزير سان سندس ڳالهه ٻولهه ٿي آهي ۽ هي معاملو حل ڪرائڻ جي خاطري ڪرائي وئي آهي، جمعي ڏينهن سينيٽ ۾ بلوچستان ۽ خيبرپختونخوا جي مختلف ميمبرن جي طرفان پنجاب يونيورسٽي ۾ شاگردن جي وچ ۾ جهيڙي سان پيدا ٿيندڙ صورتحال جي حوالي سان اعتراض واري نقطي تي هن چيو ته بلوچستان ۽ ٻين صوبن جا شاگرد اسان جي حڪومت جي پاليسي تحت اسڪالرشپ تي پنجاب ۾ تعليم حاصل ڪري رهيا آهن ۽ ان جو مقصد هي آهي ته هو پنجاب جي بهترين درسگاهن ۾ تعليم حاصل ڪري پنهنجي صوبن ۾ ترقي ۾ ڪم ڪري سگهن.
