اسلام آباد – 25 مئي (اي پي پي) اطلاعات ۽ نشريات واري وفاقي وزير سينيٽر پرويز رشيد چيو آهي ته وزيراعظم نواز شريف آئيني طريقي سان وزيراعظم چونڊيو آهي، عمران خان ڌرڻن ۽ سازشن وسيلي وزيراعظم بڻجڻ جو خواب ڏسي رهيو آهي. پنهنجي هڪ بيان ۾ چيو ته عمران خان 3 سال ضايع ڪري هاڻي زيرو واٽ جو بلب هلائيندڙ پلانٽ جو افتتاح ڪري رهيو آهي. هن چيو ته وزيراعظم نواز شريف 10 هزار ميگاواٽ کان وڌيڪ بجلي جو بندوبست ڪري چڪو آهي. هن چيو ته ڊرون حملن جو سلسلو آمر جي دور ۾ شروع ٿيو ۽ عمران خان ڊرون حملا شروع ڪندڙ آمر جي جعلي ريفرنڊم جي حمايت ڪئي هئي.
