اسلام آباد – 08 آگسٽ (اي پي پي) وزيراعظم شاهد خاقان عباسي چيو آهي ته ڀارت والاريل ڪشمير ۾ رياستي دهشتگردي سان ڪشمير تڪرار کي حل نه ٿو ڪري سگهي، عالمي برادريکي والاريل واديءَ ۾ انساني حقن جون خلاف ورزيون فوري طور تي بند ڪرائڻ لاءِ پنهنجو جائز ڪردار ادا ڪرڻ گهرجي. هن اها ڳالهه آزاد ڄمون ۽ ڪشمير جي صدر سردار مسعود خان سان وزيراعظم آفيس ۾ ڳالهائيندي چئي. ملاقات دوران آزاد ڪشمير ۾ جاري ترقياتي منصوبن ۽ سياسي اهميت جي معاملن تي خيالن جي ڏي وٺ ٿي. آزاد ڪشمير جي صدر وزيراعظم کي پنهنجي تازن پرڏيهي دورن بابت آگاهه ڪيو.