اسلام آباد – 12 جولاءِ (اي پي پي) ڪيڊ واري مملڪتي وزير ڊاڪٽر طارق فضل چوڌري چيو آهي ته پاڪستان مسلم ليگ (ن) ڪنهن به امتيازي سلوڪ کانسواءِ شفاف احتساب چاهي ٿي. نجي ٽي وي چينل سان ڳالهائيندي هن چيو ته گڏيل جاچ ٽيم جي آءِ ٽي جي رپورٽ جزوي آهي ان لاءِ پاڪستان مسلم ليگ (ن) ان کي چئلينج ڪندي. هن چيو ته پاڪستان مسلم ليگ (ن) جي قيادت آئين ۽ قانون جي بالادستي سان گڏوگڏ منصفاڻي ۽ شفاف احتساب تي يقين رکي ٿي.
