اسلام آباد – 11 جولاءِ (اي پي پي) دفاع واري وفاقي وزير خواجه محمد آصف چيو آهي ته اسان پنهنجو آئيني ۽ قانوني حق استعمال ڪندي جي آءِ ٽي جي رپورٽ کي چئلينج ڪنداسين، جي آءِ ٽي جي پيش ڪيل رپورٽس ۾ تمام گهڻيون خاميون آهن جن جي بنياد تي اسان ڪنهن به عدالتي فورم تي ان جي خلاف ڪيس وڙهي سگهون ٿا. نجي ٽي وي چينل سان ڳالهائيندي هن چيو ته اهو اسان جي 70 سالا ملڪي تاريخ جو حصو آهي ته هتي سازشون ٿينديون رهيون آهن جن جي مدد سان عوامي مينڊيٽ کي به ڦريو ويو آهي. هن چيو ته ڌرڻي ون ۾ به سازش هئي جنهن کي بعد ۾ بي نقاب پڻ ڪيو ويو.
