اسلام آباد – 07 جولاءِ (اي پي پي) قومي سلامتي ڪميٽي ان ڳالهه کي ورجايو آهي ته علائقائي امن ۽ ترقي ڄمون ۽ ڪشمير جي بنيادي تڪرار سميت سمورن حل طلب مسئلن جي حل سان سڌوسنئون واڳيل آهي، پاڪستان بي مثال قربانين ۽ ڪاميابين سان گڏ دهشتگردي جي خلاف عالمي ڪوششن ۾ پهرين صف جي رياست جو ڪردار ادا ڪيو آهي. قومي سلامتي ڪميٽي جو اجلاس وزيراعظم محمد نواز شريف جي صدارت ۾ وزيراعظم هائوس ۾ ٿيو. وزيراعظم آفيس پاران جاري بيان موجب اجلاس ۾ قومي سلامتي، علائقائي ۽ عالمي ڏس ۾ پرڏيهي پاليسي بابت معاملن تي ڳالهه ٻولهه ٿي.
