اسلام آباد – 06 جولاءِ (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته عمران خان چور مچائي شور جو زندهه مثال آهي، توهان پنهنجي حڪومت جي ڪرپشن ۽ ڪوڙ لڪائڻ جي لاءِ احتساب ڪميشن کي تالو لڳرايو، عمران خان چترال ۾ ٻين جي منصوبن تي نيون تختون هڻي ڪنهن کي بيوقوف بڻائي رهيو آهي، اڄ توهان نئين منصوبي تي تختي هنئي هجي ها ته اسان سڀ توهان کي مبارڪباد ڏيون ها، عمران صاحب! نوان منصوبا ڪيئن لڳندا آهن، پنجاب جي وڏي وزير محمد شهباز شريف کان تربيت وٺو. پنهنجي بيان ۾ مملڪتي وزير مريم اورنگزيب چيو ته اڄ ٻيهر دهشتگردي جي خاتمي واري عدالت ۾ عمران نيازي جو نالو ورتو ويو ۽ اليڪشن ڪميشن ۾ مفرور عمران خان جي وڪيل ڇوٽ گهري آهي، اليڪشن ڪميشن گذريل اڍائي سالن کان عمران خان کان سندس جواب جي منتظر آهي، عمران خان چترال ۾ ٻين جي منصوبن تي نيون تختيون هڻي ڪنهن کي بيوقوف بڻائي رهيو آهي؟
