اسلام آباد – 04 جولاءِ (اي پي پي) وزيراعظم محمد نواز شريف چيو آهي ته دنيا ۾ پاڪستان ترقي جي حوالي سان پنهنجو هڪ جدا مقام رکي ٿو، پاڪستان کي استحڪام جا 20، 30 سال ملي وڃن ٿا ته اسان ڪيترن ئي ملڪن کان اڳتي نڪري وينداسين، ترقي ٿيندي ته ٽيم به سٺو کيڏندي، پاڪستان جو نالو بلند ٿيندو، پي سي بي پاڪستان اچي ڪرڪيٽ کيڏڻ جي لاءِ ڪنهن ٽيم يا ملڪ کي منٿون نه ڪري. هو وزيراعظم آفيس ۾ آءِ سي سي چيمپيئنز ٽرافي جي فاتح قومي ڪرڪيٽ ٽيم جي مان ۾ ڏنل آجياڻي کي خطاب ڪري رهيو هو جنهن 18 جون تي انگلينڊ ۾ انٽرنيشنل چيمپيئنز ٽرافي جي فائنل ۾ روايتي مخالف ڀارت کي 180 رنسن جي واضح فرق سان شڪست ڏئي پهريون ڀيرو چيمپيئنز ٽرافي کٽي هئي. آجياڻي تقريب ۾ قومي ڪرڪيٽ ٽيم جي رانديگرن ۽ مئنيجمينٽ کانسواءِ وفاقي وزيرن، پارليامينٽ ميمبرن سميت مختلف شعبن سان تعلق رکندڙ اهم شخصيتن شرڪت ڪئي.
