اسلام آباد – 02 جون (اي پي پي) قومي سلامتي جي صلاحڪار ليفٽيننٽ جنرل (ر) ناصر جنجوعه چيو آهي ته پاڪستان افغانستان ۾ امن ۽ استحڪام جو خواهشمند آهي ۽ ان مقصد کي حاصل ڪرڻ لاءِ سمورن قدمن جي حمايت لاءِ تيار آهي. اها ڳالهه هن پاڪستان ۾ مقرر برطانوي هاءِ ڪمشنر ٿامس ڊريو سان ڳالهائيندي چئي جنهن هتي ساڻس ملاقات ڪئي. ملاقات دوران خطي جي تازي صورتحال خاص طور تي افغانستان جي سلامتي ۽ پاڪ ڀارت لاڳاپن جي حوالي سان معاملن تي خيالن جي ڏي وٺ ڪئي وئي.
