اسلام آباد – 31 مئي (اي پي پي) صدر ممنون حسين چيو آهي ته ڪشمير ۾ انساني حقن جي سنگين خلاف ورزي ٿي رهي آهي جنهن جو عالمي دنيا ۽ انساني حقن جي تنظيمن کي نوٽيس وٺڻ گهرجي. اها ڳالهه هن ڀارت جي لاءِ پاڪستان جي نامزد هاءِ ڪمشنر سهيل محمود سان ڳالهائيندي ڪئي. ايوان صدر پاران جاري بيان موجب صدر چيو ته ڪشمير ۾ ڀارتي ظلمن کان سفارتي برادري کي موثر انداز ۾ آگاهه ڪيو وڃي. هن چيو ته دنيا والاريل ڪشمير جي صورتحال کان آگاهه ٿي رهي آهي پر ان معاملي کي اڃا وڌيڪ اجاگر ڪرڻ جي ضرورت آهي.
