وزيراعظم جي خصوصي جهاز مان – 15 مئي (اي پي پي( وزيراعظم محمد نواز شريف چيو آهي ته سڄي پاڪستان ۾ توانائي ۽ انفراسٽرڪچر جي منصوبن سان ملڪ ترقي ۽ خوشحالي جي رستي تي گامزن ٿيندو، چين جي صدر زي جن پنگ جي ون بيلٽ ون روڊ منصوبي طرف دنيا راغب ٿي رهي آهي، ون بيلٽ ون روڊ منصوبي ۾ شامل نه ٿيندڙ ترقي ۾ پٺتي رهجي ويندا ۽ مستقبل ۾ انهن کي ان تي پڇتاءُ ۽ افسوس ٿيندو. بيجنگ کان چين جي شهر هينگ زو جي سفر دوران جهاز ۾ صحافين سان ڳالهائيندي وزيراعظم چيو ته چين جي صدر زي جن پنگ جي ون بيلٽ ون روڊ منصوبي طرف دنيا راغب ٿي رهي آهي. هن چيو ته جن اڃا تائين ان منصوبي ۾ شموليت اختيار ناهي ڪئي انهن کي ان ۾ شامل ٿيڻ تي غور ڪرڻ گهرجي.
