اسلام آباد – 06 اپريل (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته صحافين جمهوريت ۽ ملڪ مان دهشتگردي جي خاتمي لاءِ قربانيون ڏنيون آهن، هڪ صحافي تي حملو پاڪستان تي حملو هوندو آهي، صحافين جي تحفظ بابت قانونسازي تي تيزي سان ڪم ٿي رهيو آهي، تحفظ جي قانون سان صحافت ۽ پاڪستان ٻئي مضبوط ٿيندا. اهڙن خيالن جو اظهار مملڪتي وزير مريم اورنگزيب پاڪستان فيڊرل يونين آف جرنلسٽس جي اهتمام هيٺ نيشنل پريس ڪلب ۾ منعقد ٿيندڙ شهداءِ صحافت ڏهاڙي جي تقريب کي خطاب ڪندي ڪيو.
