اسلام آباد – 03 اپريل (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته 2013ع ۾ ڊيفالٽ جي پوزيشن تي بيٺل پاڪستان کي وزيراعظم محمد نواز شريف جي قيادت ۾ اڻٿڪ محنت، لگن ۽ لاڳيتو ڪوششن جي ڪري اڄ سڄي دنيا ۾ اڀرندڙ معيشت رکندڙ ملڪن جي فهرست ۾ پاڪستان به شامل ٿي چڪو آهي. هو پريس انفارميشن ڊپارٽمينٽ (پي آءِ ڊي) ۾ چترال پريس ڪلب جي نئين چونڊيل عهديدارن جي حلف برداري واري تقريب کي خطاب ڪري رهي هئي. ايم اين اي افتخار الدين، پي آءِ او رائو تحسين علي، چترال پريس ڪلب جا عهديدار ان موقعي تي موجود هئا. اطلاعات، نشريات ۽ قومي ورثي واري مملڪتي وزير مريم اورنگزيب کي چترال پريس ڪلب جي صدر ۽ جنرل سيڪريٽري چترال جي خوبصورت شال جو تحفو پيش ڪيو.
