اسلام آباد – 23 مارچ (اي پي پي) وزيراعظم محمد نواز شريف جي صدارت ۾ وزيراعظم هائوس ۾ منعقد هڪ اجلاس جي دوران رستن جي تعمير ۽ ٽرانسپورٽيشن جي مختلف منصوبن جو جائزو ورتو ويو. وزيراعظم ميڊيا سيل موجب اجلاس جي دوران فرنٽيئر ورڪس آرگنائيزيشن (ايف ڊبليو او) جي ڊرائيڪٽر جنرل ليفٽيننٽ جنرل محمد افضل ۽ نيشنل هاءِ وي اٿارٽي (اين ايڇ اي) جي چيئرمين شاهد اشرف تارڙ اجلاس جي شرڪت ڪندڙن کي رستن جي تعمير جي مختلف جاري ۽ نون منصوبن جي منصوبابندي جي حوالي سان بريفنگ ڏني.
