ڪراچي – 14 مارچ (اي پي پي) وزيراعظم محمد نواز شريف چيو آهي ته 2013ع ۾ جڏهن اسان حڪومت سنڀالي ته اسان کي دهشتگردي، اقتصادي تنزلي ۽ توانائي جي کوٽ سميت ڪيترائي مسئلا درپيش هئا تنهن هوندي به اسان جي حڪومت انهن مسئلن کي چئلينج سمجهندي اڻٿڪ ڪم ڪيو ۽ انهن سمورن مسئلن تي ضابطو آندو. گورنر هائوس ۾ مشهور ڪاروباري ماڻهن سان ڳالهائي رهيو هو، ڪراچي ۾ امن امان جي صورتحال جو حوالو ڏيندي هن چيو ته امن امان جي صورتحال ۾ نمايان بهتري آئي آهي ۽ ڪاورباري سرگرميون معمول جي مطابق واپس آيون آهن، ان حوالي سان قانون لاڳو ڪندڙ ايجنسين جو ڪردار واکاڻ جوڳو آهي.
