اسلام آباد – 06 مارچ (اي پي پي) صدر ممنون حسين چيو آهي ته رانديون صحتمنداڻي سرگرمين کي هٿي ڏين ٿيون، سوچڻ جي عمل ۾ سگهه پيدا ڪن ٿيون ۽ معاشري ۾ صبر ۽ ڊسپلين جي قدرن کي هٿي وٺرائين ٿيون. صدر چيو ته حڪومت ملڪ ۾ راندين جي صحتمند ڪلچر جي حوصلا افزائي جي لاءِ پرعزم آهي ۽ پاڪستان سپر ليگ جو فائنل مئچ ڪاميابي سان منعقد ڪرڻ ان طرف هڪ قدم آهي. صدر ان اميد جو اظهار ڪيو ته پاڪستان ۾ جلد ڪرڪيٽ ئي نه پر راندين جا ٻيا عالمي مقابلا به ٿين.
