اسلام آباد – 10 مئي (اي پي پي) اطلاعات ۽ نشريات واري وفاقي وزير سينيٽر پرويز رشيد چيو آهي ته وزيراعظم محمد نواز شريف ڪيترائي ڀيرا هن ايوان جو ميمبر رهي چڪو آهي، هو هن ايوان ۾ اڳ به ڳالهائيندو رهيو آهي، هاڻي به ڳالهائيندو، مخالف ڌر پاران اٿاريل سوالن تي وزيراعظم جمعي ڏينهن ايوان ۾ جواب ڏيندو. قومي اسيمبلي جي اجلاس دوران اطلاعات ۽ نشريات واري وفاقي وزير سينيٽر پرويز رشيد چيو ته مخالف ڌر اڳواڻ پارليامينٽ جو ماحول بهتر بڻائڻ جي ڪوشش ڪئي آهي جنهن جي لاءِ اسان سندس ٿورائتا آهيون. وزيراعظم ڪيترائي هن ايوان جو ميمبر رهي چڪو آهي هو اڳ به ايندو رهيو آهي، کيس هتي ڳالهه ڪري خوشي ٿئي ٿي ۽ڳالهه ٻڌي به هو خوش ٿيندو آهي.
