اسلام آباد – 10 مئي (اي پي پي) پاڻي ۽ بجلي واري وفاقي وزير خواجه محمد آصف چيو آهي ته سڄي ملڪ ۾ اڃا به ڪيترائي اهڙا فيڊر آهن جن جي اوڳاڙي 50 سيڪڙو کان گهٽ آهي جنهن سبب ان تي لوڊشيڊنگ معمول کان وڌيڪ آهي، ان معاملي ۾ اسان سياسي بنيادن تي فرق نه ٿا ڪريون. قومي اسيمبلي جي اجلاس ۾ داڪٽر نثار جٽ اعتراض واري نقطي تي چيو ته فيصل آباد ۾ اسان جا صنعتي فيڊر اوورلوڊ ٿي چڪا آهن، اسان کي سخت مشڪلاتون درپيش آهن، ماڻهن جي پيئڻ جي صاف پاڻي به ميسر نه آهي، سخت گرمي جي موسم ۾ ماڻهن جي مشڪلاتن جو ازالو ڪيو وڃي.
