اسلام آباد – 10 فيبروري (اي پي پي) وزيراعظم محمد نواز شريف چيو آهي ته وفاقي حڪومت سنڌ جي ڳوٺاڻن ۽ شهري ٻنهي علائقن جي ترقي تي ڌيان ڏئي رهي آهي، توانائي، انفراسٽرڪچر ۽ سماجي شعبن سميت سنڌ جي عوام جي لاءِ ڪيترائي منصوبا شروع ڪيا ويا آهن، سمورين ڌرين جي گڏيل اتفاق راءِ سان اسان ڪراچي ۾ امن قائم ڪرڻ جي لاءِ قدم کنيا ۽ الله جي فضل سان امن امان جي صورتحال ۾ نمايان بهتري آئي آهي. هن اها ڳالهه سنڌ جي گورنر محمد زبير سان وزيراعظم هائوس ۾ ڳالهائيندي چئي.
