اسلام آباد – 25 جنوري (اي پي پي) صدر ممنون حسين چيو آهي ته موجوده حڪومت آزاد صحافت جو قدر ڪري ٿي ۽ چاهي ٿي ته اخبارون عوام کي حقيقتن تي ٻڌل خبرون پهچائين، ملڪ ۾ ميڊيا جي معيار کي بهتر بڻائڻ جي لاءِ پريس ڪائونسل جو ڪردار تمام اهم آهي، ان جي ذميداري آهي ته هو قومي مقصدن جي تڪميل ۽ عوامي راءِ کي حقيقتن کان باخبر رکڻ جي لاءِ پنهنجو ڪردار ادا ڪري. اها ڳالهه هن ڊاڪٽر صلاح الدين مينگل جي سربراهي ۾ پريس ڪائونسل آف پاڪستان جي وفد سان ڳالهائيندي چئي جنهن ايوان صدر ۾ ساڻس ملاقات ڪئي.