ملتان – 24 جنوري (اي پي پي) وزيراعظم محمد نواز شريف چيو آهي ته سڄو پاڪستان ترقي جي ثمرن مان فائدو کڻي رهيو آهي، جن ماڻهن کي ترقي جي ڄاڻ نه آهي اهي پاڪستان جي ترقي جو رستو روڪڻ چاهين ٿا. اهڙن خيالن جو اظهار هن ملتان ميٽرو بس منصوبي جي افتتاحي تقريب کي خطاب ڪندي ڪيو. ان موقعي تي پنجاب جو گورنر رفيق رجوانه، پنجاب جو وڏو وزير شهباز شريف، وفاقي ۽ صوبائي وزير ۽ سينئر سياستدان به موجود هئا، واضح رهي ته راولپنڊي اسلام آباد ۽ لاهور کانپوءِ هاڻي ملتان ٽيون شهر آهي جنهن ۾ 28 ارب روپين جي لاڳت سان 18 ڪلوميٽر ڊگهي ميٽرو بس منصوبي جي پڄاڻي ٿي آهي.
