اسلام آباد – 05 ڊسمبر (اي پي پي) سينيٽ چيئرمين ميان رضا رباني سومر ڏينهن ڪيوبا جي سفارتخاني جو دورو ڪيو ۽ ڪيوبا جي انقلابي اڳواڻ فيڊل ڪاسترو جي لاڏاڻي تي تعزيتي ڪتاب ۾ پنهنجا تاثر لکيا. تاثرن ۾ لکيندي سينيٽ چيئرمين ميان رضا رباني چيو ته آنجهاني فيڊل ڪاسترو دٻيل ۽ پوئتي پيل طبقن جو اڳواڻ هو ۽ دنيا ان عظيم اڳواڻ جي خدمتن کي وساري نه سگهندي. سينيٽ چيئرمين سان گڏ سينيٽر مشاهد حسين سيد ۽ اڳوڻو سينيٽر افراسياب خٽڪ به هئا. ميان رضا رباني زبردست لفظن ۾ فيڊل ڪاسترو جي شخصيت ۽ خدمتن کي خراج عقيدت پيش ڪيو.
