اسلام آباد – 14 نومبر (اي پي پي) وزيراعظم محمد نواز شريف ڀارتي فوج پاران لائين آف ڪنٽرول تي تازين خلاف ورزين ۾ قيمتي جانين جي زيان تي گهري ڏک ۽ افسوس جو اظهار ڪندي چيو آهي ته اسان ڪنهن به قسم جي جارحيت جي خلاف ملڪ جي دفاع جي ڀرپور صلاحيت رکون ٿا. وزيراعظم جي ميڊيا ونگ پاران جاري بيان موجب وزيراعظم محمد نواز شريف شهيد ٿيندڙ پاڪستاني جوانن کي زبردست خراج عقيدت پيش ڪندي چيو ته اها ڳالهه انتهائي افسوسناڪ آهي جو تازن ڏينهن ۾ ڀارتي فوج لائين آف ڪنٽرول تي سيز فائر معاهدي جي لاڳيتو خلاف ورزي ڪئي آهي.
