اسلام آباد – 08 نومبر (اي پي پي) اطلاعات ۽ نشريات واري مملڪتي وزير مريم اورنگزيب چيو آهي ته حڪومت ملڪ ۾ فن ۽ ثقافت جي فروغ لاءِ جامع پاليسي تيار ڪري رهي آهي، فن سماجي قدرن ۽ معاشري کي درپيش چئلينجن کي اجاگر ڪرڻ جو موثر ذريعو آهي. پاڪستان نيشنل ڪائونسل آف دي آرٽس ۾ هڪ اعليٰ سطح جي اجلاس جي صدارت ڪندي مملڪتي وزير چيو ته موجوده حڪومت ان پليٽ فارم جي اهميت کي تسليم ڪيو آهي جيڪو اسان کي ان قابل بڻائي ٿو ته پنهنجي سماجي شعور جو نئين سري سان جائزو وٺون، ان پليٽ فارم کي مستحڪم ڪرڻ جي غرض سان حڪومت ملڪ ۾ فن ۽ ثقافت جي فروغ لاءِ نئين پاليسي تيار ڪري رهي آهي.
