دوحا – 23 آڪٽوبر (اي پي پي) صدر ممنون حسين اندرئين ملڪ ۽ ٻاهرئين ملڪ پاڪستاني نوجوانن تي زور ڏنو آهي ته اهي پنهنجو پاڻ کي ڪمپيوٽر، انٽرنيٽ ۽ سمارٽ فون جهڙين جديد ٽيڪنالاجيز ۽ جديد تعليم سان آراسته ڪن ڇو ته ان جو مثبت استعمال انفرادي ۽ اجتماعي طور تي ترقي ۾ مددگار ثابت ٿي سگهي ٿو. قطر ۾ پاڪستاني سفارتخاني جي انتظام هيٺ پاڪستان ايجوڪيشن سينٽر ۾ شاگردن کي خطاب ڪندي صدر ممنون حسين چيو ته انٽرنيٽ جي ايجاد هن دنيا کي تبديل ڪري ڇڏيو آهي تنهن هوندي به صدر انهن ٽيڪنالاجيز جي منفي استعمال جي حوالي سان خبردار ڪيو ۽ چيو ته مشورو ڏيان ٿو ته توهان انسانيت جي ڀلائي لاءِ انهن ٽيڪنالاجيز بابت ڄاڻ حاصل ڪريو.