نيويارڪ – 12 آڪٽوبر (اي پي پي) ڪشمير مسئلي جي لاءِ وزيراعظم جي خصوصي نمائندن سينيٽر مشاهد حسين سيد ۽ ڊاڪٽر شذره منصب گڏيل قومن جي جنرل اسيمبلي جي صدر پيٽر ٿومسن کي والاريل ڪشمير ۾ انساني حقن جي خلاف ورزين بابت دستاويز پيش ڪيا. ڪشمير بابت وزيراعظم جي خصوصي نمائندن سينيٽر مشاهد حسين سيد ۽ ايم اين اي ڊاڪٽر شذره منصب علي هڪ هفتي کانپوءِ واشنگٽن کان نيويارڪ پهتا. ان موقعي تي گڏيل قومن ۾ پاڪستان جي مستقل نمائندي ڊاڪٽر مليحه لوڌي پڻ موجود هئي.
