اسلام آباد – 09 آڪٽوبر (اي پي پي) نوجوانن کي تربيت ڏيڻ واري وزيراعظم جي اسڪيم تحت 21 هزار تعليم يافته نوجوانن کي انٽرن شپ ڏني پئي وڃي. ريڊيو پاڪستان موجب بين الصوبائي رابطن واري وزارت پاران جاري ڪيل پيغام ۾ ٻڌايو ويو آهي ته وزيراعظم جي نوجوانن جي تربيتي اسڪيم جي فيز ون جي ٽئين بيچ تحت سڄي ملڪ ۾ 21 هزار تعليم يافته نوجوانن کي انٽرن شپ ڏني پئي وڃي، انهن نوجوانن کي هڪ سال جي لاءِ وفاقي وزارتن، ڊويزنن، صوبائي ادارن، صنعتن، بئنڪن، ڪارپوريشنن ۽ مختلف سرڪاري ۽ نجي ادارن ۾ موڪليو ويندو ۽ انهن کي هر مهيني 12 هزار رپيا وظيفو ڏنو ويندو.
