اسلام آباد – 06 آڪٽوبر (اي پي پي) وزيراعظم محمد نواز شريف چيو آهي ته اسان پنهنجي سمورن پاڙيسرين سان پرامن لاڳاپن جا خواهشمند آهيون، سندس حڪومت افغانستان جي باري ۾ واضح پاليسي رکي ٿي جنهن جو اظهار هن وزيراعظم جي ذميداريون سنڀالڻ جي پهرين ڏينهن ئي ڪري ڇڏيو هو، ڀارت جاچ کانسواءِ هروڀرو اڙي حملي جو پاڪستان تي الزام لڳايو، وزيراعظم هائوس طرفان جاري بيان موجب اها ڳالهه وزيراعظم محمد نواز شريف نيٽو جي ملٽري ڪميٽي جي چيئرمين جنرل پيٽر پائول سان وزيراعظم هائوس ۾ ملاقات دوران چئي. هن چيو ته اسان افغان قيادت کي آگاهه ڪيو آهي ته افغانستان جا دشمن پاڪستان جو دشمن آهن ۽ اسان پنهنجي لفظن تي قائم آهيون، وزيراعظم چيو ته گذريل ڏينهن به پاڪستان افغانستان لاءِ 50 ڪروڙ ڊالر جي پهرين واري امداد کانسواءِ 50 ڪروڙ ڊالر جي امداد جو اعلان ڪيو آهي ته جيئن کين مسئلن تي ضابطو آڻڻ ۽ استحڪام حاصل ڪرڻ ۾ مدد ملي.
