اسلام آباد – 03 آڪٽوبر (اي پي پي) وزيراعظم محمد نواز شريف جي صدارت ۾ ڪشمير مسئلي ۽ لائين آف ڪنٽرول جي صورتحال تي گڏيل لائحه عمل تيار ڪرڻ لاءِ پارلياماني پارٽين جي اڳواڻن جو اجلاس وزيراعظم آفيس ۾ ٿيو، اجلاس ۾ پاڪستان پيپلزپارٽي جي چيئرمين بلاول ڀٽو زرداري، اڳواڻن سيد خورشيد شاهه، اعتزاز احسن، شيري رحمان، قمر زمان ڪائره، حنا رباني کر ۽ فرحت الله بابر، پاڪستان تحريڪ انصاف جي شاهه محمود قريشي، شيرين مزاري، جماعت اسلامي جي سراج الحق ۽ صاحبزاده طارق الله، جمعيت علماءُ اسلام (ف) جي مولانا فضل الرحمان، متحده قومي موومينٽ جي ڊاڪٽر فاروق ستار ۽ خالد مقبول صديقي، پختونخوا ملي عوامي پارٽي جي محمود خان اچڪزئي، نيشنل پارٽي جي غلام مرتضيٰ جتوئي، پاڪستان مسلم ليگ (ق) جي ڪامل علي آغا، مسلم ليگ فنڪشنل جي غوث بخش مهر، عوامي نيشنل پارٽي جي غلام احمد بلور ۽ نيشنل پارٽي جي مير حاصل بزنجو کانسواءِ انجنيئر عثمان ترڪئي، غازي گلاب جمال ۽ پروفيسر ساجد مير شرڪت ڪئي.
