اسلام آباد – 15 سيپٽمبر (اي پي پي) وزيراعظم محمد نواز شريف واپڊا کي ملڪ مان بجلي جي کوٽ تي ضابطو آڻڻ لاءِ صلاحيت سان ڪم ڪرڻ جي ضرورت تي زور ڏيندي چيو آهي ته موجوده حڪومت ملڪ مان لوڊشيڊنگ جي خاتمي لاءِ پرعزم آهي، اسان جو مقصد گهريلو صارفين کي وڏي مقدار ۾ ۽ سستي بجلي فراهم ڪرڻ آهي. هن اها ڳالهه واپڊا چيئرمين جنرل (ر) مزمل حسين سان وزيراعظم هائوس ۾ ڳالهائيندي چئي. واپڊا چيئرمين وزيراعظم کي ملڪ ۾ جاري مختلف هائيڊرو پاور منصوبن تي اڳڀرائي بابت بريفنگ ڏيندي يقين ڏياريو ته پن بجلي جا جاري منصوبا مقرر مدي اندر مڪمل ڪيا ويندا.