اسلام آباد – 14 سيپٽمبر (اي پي پي) وفاقي گهرو وزير چوڌري نثار علي خان راولپنڊي شهر، پوٺوهار ٽائون ۽ راولپنڊي جي ڳوٺاڻن علائقن ۾ صفائي جي ناقص انتظامن ۽ مختلف جاين تي آلائشن جي موجودگي جي شڪايتن جو نوٽيس وٺي ڇڏيو آهي. گهرو وزارت جي ترجمان پاران جاري بيان موجب وفاقي گهرو وزير چوڌري نثار علي خان راولپنڊي ۾ صفائي جي اڻوڻندڙ صورتحال تي ضلعي انتظاميا ۽ سالڊ ويسٽ مئنيجمينٽ عملدارن کي فوري طور تي سڄي شهر مان آلائشون صاف ڪرڻ جي هدايت ڪئي ۽ چيو ته ايندڙ ڪجهه ڪلاڪن ۾ راولپنڊي جي مڪمل صفائي يقيني بڻائي وڃي.