اسلام آباد – 29 آگسٽ (اي پي پي) منصوبابندي، ترقي ۽ سڌارن واري وفاقي وزير پروفيسر احسن اقبال چيو آهي ته 46 ارب ڊالر مان 18 ارب ڊالر جي منصوبن تي ڪم جاري آهي جڏهن ته 17 ارب ڊالر پائيپ لائين ۾ آهن، پاڪستان ۽ چين 2018ع ۾ گڏيل سيٽلائيٽ لانچ ڪندا، سي پيڪ منصوبو رڳو روڊ نيٽ ورڪ نه پر پورو فريم ورڪ آهي، منصوبو ٻنهي ملڪن جي ويزنز جو ميلاپ آهي. اهڙن خيالن جو اظهار هن پاڪ چين اقتصادي لنگهه ڪانفرنس ۽ نمائش کي خطاب ڪندي ڪيو. وفاقي وزير چيو ته پاڪستان چين اقتصادي لنگهه معاشي تعاون ۽ ڪاروباري رابطا قائم ڪرڻ جو منصوبو آهي، منصوبي تحت وڏي پئماني تي چيني سيڙپڪاري ايندي ۽ صنعتي زونز قائم ٿيندا.
