اسلام آباد – 26 آگسٽ (اي پي پي) وزيراعظم محمد نواز شريف چيو آهي ته والاريل ڪشمير ۾ آزادي جي جدوجهد لاءِ پنهنجي اخلاقي، سفارتي ۽ سياسي حمايت جاري رکنداسين. هن اها ڳالهه آزاد ڄمون ۽ ڪشمير جي نئين چونڊيل صدر مسعود خان سان ڳالهائيندي چئي. مسعود خان جيڪو اڳوڻو ناليوارو سفارتڪار آهي ۽ گڏيل قومن ۾ مستقل نمائندي جي حيثيت سان خدمتون سرانجام ڏئي چڪو آهي ان سان ڳالهائيندي وزيراعظم نواز شريف ان اعتماد جو اظهار ڪيو ته هو ڪشمير ڪاز جي وڪالت ڪندو ڇو ته هاڻي وٽس والاريل ڪشمير جي عوام جي آزادي جي نصب العين جي بهتر وڪالت لاءِ هڪ وسيع پليٽ فارم موجود آهي.
