لاهور – 13 آگسٽ (اي پي پي) وزيراعظم جي قومي تاريخ ۽ ادبي ورثي واري صلاحڪار عرفان صديقي چيو آهي ته پاڪستان جي آزادي جي ڏهاڙي تي اسان کي قوم کي مايوسي جي نه پر اميد جو ڪرڻو ڏيکارڻ گهرجي. هو ايوان اقبال ڪمپليڪس ۾ آزادي جي ڏهاڙي جي حوالي سان تقريب کي خطاب ڪري رهيو هو، ان موقعي تي اڳوڻو پرڏيهي وزير خورشيد محمود قصوري، سينيئر صحافي عارف نظامي، اوريا مقبول جان، افتخار احمد، سجاد مير سميت صحافين ۽ دانشورن جو وڏو انگ موجود هو. عرفان صديقي چيو ته پاڪستان هن وقت تمام گهڻو اڳيان نڪري چڪو آهي ۽ قائداعظم محمد علي جناح جي فرمانن جي روشني ۾ هڪ رياست اسان جي آڏو آهي، اسان کي بحث ۾ پوڻ بدران مستقبل جو سوچڻ گهرجي.
